CHAWHCHAWRAWI(01/08)

+ Lalhmuthara (49), Khawruhlian chu zunthlum avangin ni 27.7.2011 (Nilaini) tlai khan a boral. A ruang hi Pu V.L.Rawna te inah lak a ni a, kuang siam anih hnuin an khaw lamah phurh chhoh a ni. Pu V.L.Rawna te chhungkua chuan an nau boral avanga khawtlang mipui leh YMA ten a tulang zawng zawng an buaipui avangin lawmthu an sawi.

+ R.Lalhlira, Ramhlun Venglai chu cancer avangin ni 28.7.2011 (Ningani) tlai dar 4:30 khan a boral. Pu Lalhlira hi Pu Biakdawla, Chairman, Local Council, Ramhlun North u a ni.

+ K.Lalneihsangi (57), Chhinga Veng chu ni 24.7.2011 (Pathianni) khan kal na avangin a boral, a ni hi Dr.KVL.Rochharzela u a ni.

+ Sub-Centre, Ramhlun-ah karleh ni 1-5.7.2011 chhung hian BPL Family RSBY a Health Care Scheme hnuaia Registration ti duh tan a Office hun chhungin a tih theih e.

+ Pu Liansiama (Maliana) te chhungkua, C-Sec. chu kan veng atangin Zemabawk-ah an insawn.

+ C-Sec. mawng lam, Thlanmual thlangah zu zuar an awm a hriat a ni a, lo sim nghal hmak turin kan inhriattir e.

+ Industry Muala Pu Rinpuia in rel leh a bul Pu Lalhmingliana Sailo (L) in hnuaia zan reia ZU in a bengchheng siam thinte kha tun hnuah hetianga khawsa tawhlo turin hriattir in ni e. In sim loh chuan chanchinbu-ah in hming, nu leh pa hming tarlan anih bakah YMA in inchungah na takin action lak a ni ang.

+ RSC Field hi a hnawkin a bawlhhlawh thei hle mai hi ka vei tlat. Kan veng laili takah a awm lehnghal nen, kan veng hmai tibaltu pakhat a ni ve mai lo maw aw, vawngfai a tifai tur hian a veng mipuite mahphurhna a nih rual hian tuman mimal a han ti peih kan awm hmel bawk si lova, a enkawltu (phiatfaitu) bik siam mai te hi a tha tawh mai lo maw aw. Tin, chhungkaw tinte hian faina chungchang hi chhungkuaah i inzirtir thar zel teh ang u hmiang. – 8014336106

+ Kumin atan Central YMA Chanchinbu man ka pe nghal vek a, tun thleng hian ka la hmu lo. Enge a awmzia ni ta? Tu nge agent hi le? – 9612081608