Zai hruai thinte tan lak thar ngai

Ni 22.7.2011 zana Branch Executive Committee Meeting chuan mitthi in leh khawhar ina kan zai a lo that zawk theihnan zai hruai hna thawk thin te tan kan lak thar ngai hlein a hria a. Hetiang lama a thiamte chu tan la thar tur pawhin min ngen nghal a ni.

Khawhar in leh lumenna hmun thenkhatah zai hruai thei inhmuh zawh loh lek lek chang kan nei ta fo mai a. Zai hruaitu tih hian khuang vaw thinte, hla hriltu leh music lam tum thinte a huam vek a ni. Heng zai hruai hna thawh hi thil nuam tak a ni lo chungin a ti mi deuh bikte tan lo chuan a nawlpuiina kan thiam lohte a lo ni a. Chuvangin a thiamte chu tlawmngai hram hram turin kan inngen a ni. Tin, a theih hram chuan midang aia kal hma deuh tur pawhin kan inngen a ni.

Tin, zai hruaitute pawh kan dinhmun hre chiang a, music tum ringawt emaw, khuang vaw ringawt tur emaw kan ni lo a, zai hruaitu kan nih ang ngeiin kan zai ri/ring ngam ngei tur a ni a. Chutiang tur pawh chuan tan kan lak thar a pawimawh hle a ni.