One Day Tournament – King of the Court
Ramhlun Sporting Club hnuaia Basketball Sub-Committee te huai hawtin vawiin (02.04.2011) hian RSC Field-ah Junior One Day Basketball Tournament neih a ni. He tournament-ah hian team 4 an lut a, final-ah Winter Boyz leh The Guest team te an inkhel a. Inhnehtawk leh hmuhnawm taka an inkhelh hnuin Winter Boyz te a vannei zawkah an tang ta hlauh a, 43-36 in an chak ta a ni.
Kan veng thalai, kum lama la naupang zawk leh infiamna kawnga tuihal tak tak te tan hun tha buatsaihtu RSC Basketball Sub-committee te hian an ti tha hle a ni. Ruihtheih thil chi hrang hrang bakah sualna kawng dang zawh lova infiamna kawnga hma chak taka an lak thin a vangin an chhuanawm hle a ni.
Basketball hi zing karah coaching neiin inzirna tha takin an kal pui thin a. Kum lama naupang zawkte he hunah hian kal an thahnem thei hle a ni. Heng thalai tha za rual te te te hi nakin lawka kan khawtlang ti hmingtha a tihminghliau theitu an ni tih hre chunga infiamna kawng a hma an lak pui thin hi a lawmawm hle a, YMA Kumpuan ‘Khawtlang nun siam that’ tih nen pawh a inrem zaih a ni.
