ELECTRONICS TATTOO KHAWL

University of Illinois mithiamte chuan tunlai hian electronic khawl pan em em mai, mihring vun-a vuah mai theih an enchhin mek thu an puang a; he khawl, electronics tattoo an tih hi damlo enkawlna atan leh computer games khelh nan a la tangkai hle an rin thu an sawi.

Entirna atan, lung lam tha lote leh lung zai sak tawhte hi hun rei tak chhung an dinhmun thlitlai reng a ngai thin. Hetiang ti tur hian tunlaiah chuan pad leh wire inzam tep tup mihring-ah chuan vuah a ngai thin. Electronics tattoo hi thil phek pan tak, samzai hmun 1000-a thena hmun 1 vel leka chhah a nih avangin mihring vun-ah bel mai theih a nih bakah, duh duh anga talpui bawrh bawrh ngam a ni bawk niin an sawi a; chu khawl chuan tunlai khawl hnawk hnathawh ang chu a lo thawk mai dawn a ni. Hetiang ang bawk hian naute, kum tling lova piangte pawh hian wire leh thil dang vuah tup lovin an dinhmun a thlitlai reng thei tawh ang.

He khawl phek pan tak hian, nghawnga vuah a nih chuan, English-a up, down, left leh right tih angte hi a hrethiam thei bawk a; ?w (voice) hmanga computer games khelhna atan a la hman theih bawk ang.

He khawl hi darkar 24 bak hman theih a ni lo thung a. Mihring vun a insiam thar zel avangin a thlawn thuai a, vuah that a ngai leh thin niin an sawi.