KAL PAHA MOBILE PHONE CHARGE DAN

Tun hnaia University of Winconsin (US) mithiamte’n an thil zir mek an puanzar atanga a lan danin nakin lawkah chuan ke-a kal pahin kan mobile phone-te awlsam takin kan la charge zung zung mahna.

Mihring-te kan han chet vel hian thahrui (energy) tam tak kan pe chhuak thin a; kan han tlan lauh lauh hian rei lote chhungin, awlsam takin thahrui kilowatt khat kan siam chhuak mai thei niin an sawi. Hei hi mobile phone leh laptop charge nan a tawk thawkhat viau a; ngaihtuah ngai lai chu taksa-in thahrui a pek chhuah lo khawlkhawm a, samkhai taka hmanraw charge-na atan hman dan hmuhchhuah a ni.

University of Winconsin mithiamte sawi dan chuan, kal paha energy insiam hi awlsam takin, pheikhawka khawl te tak te vuain a khawlkhawm theih a; chu electric power inkhawlkhawm chu Bluetooth emaw, Wifi hmangin emaw, USB (hei hi chu wire hman a ngaih dawn avangin a fuh lem lo)? emaw khawl te tham charge-na atan a hman theih dawn a ni.

Hetiang deuh hi sana (watch) leh khawl te tham lehzual charge-na atan hman a lo ni tawh thin nghe nghe a ni.