URBAN HEALTH CENTRE

Ramhlun North, the 3th September, 2011 : Kan vengchhung laili lai tak, Biak In Mual, College Road sira awm Ramhlun North MHIP Building luahtu Urban Health Centre (UHC), Ramhlun hi kum 2005 khan Pu Vanhela Pachuau IAS, khatih hun laia Principal Secretary, Govt. of Mizoram chuan a hawng a. Vengchhungin hriselna kawngah kan chhawrin kan tangkaipui hle a ni.

Kum 6 chhung hriselselna kawnga hma an lak dan tlangpui chu a hnuaia mi ang hian a ni.

Urban Health Centre hi hospital puitling ang em in changtlung lo mahse la, vantlangin kan mamawh leh hriattur tul leh pawimawhte a awm kim viau a ni. Tun aia changtlung leh ngelnghet zawka hma an sawn theih nan vengchhung mi a tithei chuan hma lakpui ila a lawmawmin tunai hian kan chhawr tangkai leh zual ngei ang.

Mamawh leh tlakchhamte an nei thin a. Tunlai pawh hian invenna (Oral pill, cut insertion, condom) supply a awm loh avangin an nei rih lo. Tin, zawhna an dawn tam avangin thawktute tlawmngaihna avang liau liauin thisen (Blood Group Test) tih theih a ni a, mimal senso anih avangin a hming chauhin Rs.10/- an la thin.

Urban Health Centre-ah hian thawktute an indaih loh avangin duty laiin pawn lamah kohchhuah theih an ni lo. Mamawhna kan nei anih chuan engtiklai pawhin pan theih reng an ni. Kan vengchhungah hriselna lam enkawlna hmun tha tak kan nei hi kan vanneiin a lawmawm takzet a, thawktute hi theih ang angin tawiawm tha ila, tangkai takin chhawr i tum theuh ang u.