CHAWHCHAWRAWI(09/08)

# Kan vengah ATM pakhat dah a ni ve a, veng dang a nei ve lo te lakah lo intihtheih ve nak laiin mi tute’n emaw rawk an tum avanga hun engemawchewn khar anih hnuin hman theihin hawn a ni leh ta. He ATM hi a himna-ah hian mawh kan phur theuh a ni tih hrereng chungin i venghim ang u. Hetiang thil hi thleng tawh lo se a tha khawp ang. Khar anih laia thil in tarte kha vengdang hmuhah chuan thilmak a tling ngei ang. – 9862906380

# Pu Marema te inbul step chhuk thla vengthar pan thlaknaah hian tleirawl zu in, trip zu, dendrite hnim te kan va tam thei ve. Hmeichhe tan chuan kal tlang pawh zahthlak thin. Hmalak dante hi a awm em? – 9612977509

# Ex-SERVICEMEN: Kum 2012 atana Sipai bengte Ration Card renew mek chu thehluh alo hun ta a, thlalak passport size copy 3 (pathum), Unit Secretary, Pu Lalchawimawia hnenah ni 7.8.2011 aia tlai lovah thehluh tur a ni. Hun tiam chhunga thehlut lo chuan an mahni in an inbuaipui tawh ang.

# Industry Mual Welfare te’n Pu Samuela leh Pu K.Ngura (L) te In inkar step a vawnchhan/vawnban (railing) an siam chu an zo thawkhat ta. He step a kal thin tan thil lawmawm tak a ni.

# Local Council,Ramhlun North te’n thuchhuah an siam tawh angin kan vengchhunga tuikhur hrang hrangah motor sil khap tlat a nih kha. Taitea tuikhur-ah a zawmlo kan la awm nual tih hriat a ni a. Khawngaihtakin thupek hi i zawm hram hram ang u. He tuikhur tui tlantute tan harsatna hrang hrang kan siam mai bakah tuikhur tui kan tibawlhlawh tih i hria ang u.

# Vengchhungah tleirawl hawklak kawngkam vela thu thin, kawngkal auh nawmnah ching leh bengchheng siam thin kan la awm tlat hi a vanduai thlak hle a ni. Khawngaih takin nu leh pa ten kan fate i khuahkhirh tha leh zual teh ang u.