Chhiatni Thawhlawm khawn mek a ni
Chhuah tawh angin chhiatni Fund chu khawn tan mek ani a, khawn tawhte hnen atanga kan thu dawn danin thawhlawm hi mipui ten kan ngai pawimawh hle a, chhungtinten kan neih ang angte phal takin kan thawh avangin Branch YMA chuan lawmthu a sawi nghal a ni. Chhuah tawh thin angin mitthi pakhat atan hian kuang man bakah ruang awm chhung leh ruang tlaivarpui tute thingpui leh a hmeh atan hian Rs. 6,000/- bawr vel hman thin a ni a, tuna kan thawhlawm hian engchen nge a daih dawn chu hre chiah lo mah ila kumin min daih turah han ngai phawt ila. Chutih rualin nu leh pa tam tak ten thawhlawm pek pah a,‘a tul hunah chuan in rawn khawn leh mai dawn nia’ in lo ti thin hian a khawn tute a ti phura,khawn a nawm phah em em a ni. He thawhlawm hi a thawhtu nih a hmangtu nihloh hi a duhawm ber a ni.
Kan veng chhung hi bial hrang hrangah thenin thawhlawm hi Branch Executive Committee member ten an khawn mek a, a then chu pahnih pathum inkawpte anni a, a mal khawn te pawh an awm bawk a, phal taka pe tawhte chungah lawm thu kan sawi rualin la khawn lohte pawhin an rawn khawn hunah phal taka lo thawh chhunzawm zel turin kan inngen nghal ani e.
