Red Ribbon Inter Village Football
Mizoram State Aids Control Society leh Mizoram Football tangkawp buatsaih Football kutpui ‘Inter Village Football Tournament’ chu thlakhat chhung zet neih anih hnuin zawhfel a ni ta.
He Football tournament hi Mizoram a football tournament lian ber niin team 200 chuang zet an tel a, Pool hrang hrang 4-ah then niin Joint YMA Filed, Vaivakawn, Ramhlun Sports Complex, Durtlang Playground leh Zemabawk field-ah khelh a nih hnuin Quarter Final atangin Lammuala-ah artificial grass phah chungah khelh chhunzawm a ni. Quarter final match 1 leh Semi final match hi zanah electric eng hnuaiah khelh a ni.
Team 200 chuang zingah Durtlang leh Dinthar Veng ten final hmuhnawm tak an khel a, an inhneh tawk hle a ni. Durtlang hi a vannei zawkah tangin 2-0 in Dinthar hnehin an champion ta a ni.
He tournament-ah hian kan veng pawh kan tel ve a, Khatla, Nursery leh North Vanlaiphai te kan hneh hnuin Pre-quarter final-ah Ramthar North kan hneh lo hlauh a ni. Kan veng playerte an thiamin an chhuanawm hle a. Tun aia hma kan sawn lehzual theih nan tan lak thar erawh kan la ngai hle a ni.
