SAZU DUHTHLAN TIDANGLAM TU
Tun hnai khan Chinese scientist-te chuan sazu pa an zir chianna atangin sazu dang a nu emaw, pa emaw an thlan dan an tidanglam thei. Zirchianna atana sazu pa an hmante hi an thuak-in Serotonin dawngsawng thei lo turin an siam danglam niin an sawi a. Serotonin an thluak-in a dawnsawn ve theih loh avang hian an bulah sazu pa dang emaw, sazu nu dang emaw pawh dah se, an hmeichhe chei vek niin an sawi. Mammal (mihring pawh tiamin) zingah hian Serotonin hi Central Nervious System (CNS)-in chemical pawimawh tak pakhat, mize thlak danglam thei, a pekchhuah thin a ni a; thluak-in a lo dawnsawn hian nawmna a pe chhuak thin a ni.
Hetianga sazu pa thuak hnathawh dan an siam danglam-te hian sazu pa dang zingah sazu nu dang awm ve tho mahse, a nu an thlang bik kher chuang lova, sazu pa pawh a nu cheibawlin cheibawl an tum tlat tho zel niin an sawi. Mithiamte hian Serotonin hi sazu-a a hnathawh dan hi mihring tana a hnathawh dan nena sawizawm a fuh ber loh thu an sawi a. Mihring-ah chuan Serotonin tlakchham leh tlakchham lovin hawiher thui tak tidanglam thei mahse, sex lama duhthlanna siamtu a nih zia hriat a la ni ngai lo, niin an sawi.
