SUPER ANTIBODY HMUCHHUAK
Tun hnai khan National Institute for Medical Research (London) leh Switzerland mithiamte chuan Influenza A virus ang chi reng reng (eg: Swine Flu, Bird Flu etc.) hneh thei antibody an hmuhchhuah thu an puang.
Antibody hi rannung leh mihring taksa-in natna hrik a kaia lo do-tu a siamchhuah protein, taksa sipai-te tana ral dona hmanraw pawimawh tak takte an ni a. A tlangpuiah chuan natna hrik chi khat do leh hneh thei turin taksa chuan antibody chi khat a siamchhuak thin a; natna hrik dang a rawn luhin antibody chi dang a siam chhuah leh a ngai thin.
Tuna ‘Super Antibody’ an hmuhchhuah thar erawh hi chu Infuenza A virus natna hrik ang chi reng reng do a, hneh thei antibody a; he antibody protien chi khat lek hian natna hrik tam tak a that thei a ni.
He antibody, F16 tia an koh hi sazu-ah hlawhtling taka enchhin a ni tawh a; thih ngei ngeina H1N1 virus (Swine Flu) kai sazu-te pawh F16 hmanga enkawl an nih hnuah tha takin an damchhuak leh thei a ni. Amaerawhchu, antibody ringawt hi chu invenna tak tak (vaccine) anga hmantlak a la nih lo avangin vaccine siam chhuak thei tura research beih a la tul thu an sawi.
