14th Mizoram Official Taekwondo Championship
Ni 9th – 13th May, 2011 chhungin RSC leh Mizoram Amateur Taekwondo Association (MATA) tangkawp buatsaih 14th Mizoram Official Taekwondo Championship, RSC Field leh Ramhlun North Community Hall-ah neih a ni. Pu H.Liansailova, Hon’ble Minister (Bialtu MLA) khuallian niin tournament hi a hawng a. Pu Zodintluanga, Sports Minister chu khuallian niin tournament kharna hun a hmanpui bawk.
He tournament-ah hian Club hrang hrang 19 atangin infiammi 327 an tel a. A pumpuiah SAI sang berin SSA, Champhai in an dawt a, Armed Veng Taekwondo Academy pathumna niin RSC palina an ni a, Thenzawl Taekwondo Academy panga na an ni. Team tel zawng zawngte hi participation prize ₹1000/- theuh pek an ni.
He tournament hlawhtling taka neih anih theihnan a hmun hmantirtu Ramhlun North Local Council leh Branch YMA chungah te, lawmman chi hrang hrang tum sak tu leh advertisement petu sorkar department hrang hrang, vengchhung mi inphalte chungah RSC chuan lawmthu a sawi a. Vengchhung mitlawmngai mikhual thlengtu zawng zawngte, hmanrua leh mamawh tulang apiang thawhtu leh hawhtirtute chungah thinlung takin lawmthu RSC chuan a sawi e.
