HMEICHHE TLEIRAWL SCHEME THAR
ICDS hnuaia hmeichhe tleirawl-te scheme tia kan hriat thin ‘Kishore Shakti Yojana’ chu Central lamin a hming thlakin ‘Rajiv Gandhi Scheme for Adolescent Girls’ tih alo ni ta a. He scheme hnuaiah hian hmeichhe tleirawl, kum 11 atanga kum 19 inkar, school kal mekte leh kal tawhlo te tel theih vek ani a. Nutrition te, health education, vocational training, counselling & Guidance, life skill education te pek thin an ni dawn ani.
A bul tan nan Anganwadi Centre tinah Group insiam tur ani a, Group hming hi ‘Kishori Samooh’ tih ani. Group khatah hian tleirawl 25 (sawmhnih panga) zel an awm anga, an zing atangin leader pakhat leh helper tur pahnih an inthlang chhuak ang. Leader hi ‘Sakhi’ tih hming vuah a ni anga, helper hi ‘Saheli’ tih hming vuah ani bawk ang. Heng ‘Sakhi’ leh ‘Saheli” te pathum hi kum khat chhunga an group leader tur an ni anga, thla li dan zelah an nihna an inthlak thin ang. Hruaitu pathumte hi Training a ngaih fo dawn avang leh, training hi thulh theih a nih dawn loh avangin School kallo ni thei se duhthusam a ni.
Ramhlun North-ah hian Anganwadi Centre pathum kan neih avangin Kishorie Samooh hi group thum kan nei thei tihna a ni a, tun thla ni 20 hma a tihfel vek a ngaih avangin hetiang lama tui mite chuan Anganwadi Centre tina Worker te hnenah a rang lama inhriattir tur ani. Anganwadi Worker te chu a hnuaia mite hi an ni e.
1. Pi Laltanpuii K.Section Centre – I
2. Nl Lalramliani C.Section Centre – II
3. Pi Lalramthari V.Section Centre – III
Anni bakah hian Anganwadi Co-ordination Committee hruaitute,Chairman Pu Biakdawla President Local Council Ramhlun North leh Secretary Tv. K.Lalenghluna hnenah zawhfiah theih a ni bawk e.
