CHAWHCHAWRAWI(19/11)
SPORTS
Ni 1.12.2011 atanga khelh tan tur Inter Village/Local Council U-17-ah kan veng Local Council hminga tel tum a ni a, he tournament a tel duh leh tel tumte chu ni 21.11.2011 (Thawhtanni) zing dar 6:30-ah Ramhlun Sports Complex Field-ah kim taka kal tur a ni e.
Ramhlun North Local Council U-13 Football Teamte ni 20.11.2011 (Pathianni) chhun dar 12:00 hian Pu B.Lalramsiamate In, K-Sec. (Nazareth Hospital bul, Pu B.Zakamlova Building)-ah kim taka kalkhawm vek tur a ni e.
THILDANG
MUP, Ramhlun North Unit.
Presbyterian Hospital, Durtlang Doctor ten mit lama harsatna nei MUP te tan ni 14.11.2011 khan YMA Committee Room, Ramhlun North-ah Free Clinic an rawn hmanga mi 28 an en a, heta tang hian mi 9 (pakua) Hospital-ah zai tura tih an nih angin mi engemawzat chu ni 16.11.2011 khan Bus in an rawn hruaia, damdawiinah enkawl an ni a, thenkhat chu vawiin hian an rawn chhuah theih beisei a ni.
+ MUP, Ramhlun North Unit chuan ni 26.11.2011 hian Gospel Lang Camp, Ramhlun East Kohhran Biak Inah an buatsaih dawn a. A duh apiang tan luh theih a ni. Zing dar 10:00AM – 4:00PM thleng neih a ni ang. Chhun ei leh in hi KTP, Ramhlun East ten an buatsaih dawn a ni. Speaker atan Nl.Lalnunsangi (Sangtei) hman tum a ni.
+ Pu R.Lalfakzuala te in, C-Sec. ah ni 14.11.2011 khan an kawngkhar karchhia in rukru an lut a, steel almirah chhunga mi pawisa an ruk sak a ni. Rukru lakah mitin i fimkhur ang u.
+ Ramhlun North Pastor Bial Zaipawlte chu Zaia rawngbawlna neiin Diphu-ah an zin mek.
+ Ramhlun North Presbyterian Kohhran chuan ni 21.11.2011 atangin ni 10.12.2011 chhung hian ruihhlo ngaite pualin Chhanchhuahna Camping, Synod Revival Camping Centre, Neihbawih-ah an buatsaih dawn.
+ Lehkha kawngbo: P.C.Lalrinmawii, Ramhlun North tih lehkha pawimawh Dak Inah a neitu chuan rang taka lam tur a ni e.
+ RSC Field sir, Pu J.Thanzuala Building chu Mizoram Scholarship Board chuan an rawn luah thar. Hemi denchhen hian a hnuaiah hian Hop-In dawr, chhungkaw mamawh hrang hrang bakah Stationery items chi hrang hrang, Sausage, Salami, etc. Coffee, Lemon tea, Tomato soup, Choco Feast intur tui tak tak an nei reng e.
+ Councelling & Prayer Center : Ramhlun Bazar chung, V-Sec-ah Prayer Ministries, Ramhlun North te bul tumin Councelling & Prayer Center din thar a ni. He hmun hi Kohhran bil bik ta a ni lova, a duh apiang leh a mamawhtu tan hman theih leh chhawr theih tura siam a ni. Tun atanga hun reiloteah hawnna hun buatsaih a ni ang. Vengchhung mi, Pathian a nun tuihalna leh harsatna neite leh kawng hrang hrang a Pathian thua harsatna neite tan pan theih leh koh theih tura buatsaih tum a ni. Hrechiang duh tan: 9402591373 / 9774330942/ 9862324548-ah zawhfiah theih a ni e.
LPS PRO FIGHT
Kan veng mi ni hauh lo, an hmêl pawh i la hmuh ngai reng reng loh zaithiamte tan Rs.3 kha i lo sêng ve em? I ngainat zawng a nih a, i tuipui zawng a nih chuan sawi theih kan nei hauh lo mai, i thu a ni e.
Kan veng aiawha pa taka boxing khêl turte pualin RSC Field-ah bâwm an dawh dawn asin.Tlem lua awm lovin i remchân ang ang thawhlawm lo thawh ve turin kan sawm che a ni. Tui mal far hian tuifinriat a siam thin ang hian tlêm tê te kan thawh khawm hian mi dangte tan hna nasa tak a thawk thei a ni tih hrerengin tlêm lua awm lova bâwm dawha thawhlawm thlak tur hian kan sawm tak meuh che a ni e.
