THLANMUAL THAR TUR LEI FEL A NI
Ramhlun North, the 19th November, 2011 : Ramhlun North Vantlang inkhawm in a lo rel tawh angin Thlanmual Commmittee din fel a ni a. Chak taka hma la zuiin thlanmual hmun tur hmun hrang hrang an en kual hnuah Pu Zaikunga, V-Sec. ram, Zuangtui a Gospel Thunder Team Camping Center peng, kawngpui an, kawng thlang lam 8100 sq.mt. a zau chu Rs.10,00,000/- (Nuaih sawm) in lei fel a ni.
Vawiin tlai dar 2:00 hian Thlanmual Committee Office Bearer te, YMA, MUP leh MHIP aiawhte bakah Local Council memberte hriatpuinain a man inhlanna hi neih a ni. He thlanmual thar man tur hian kan vengchhunga mi awmthei deuhte leh mi inphalte pawisa puk rih a ni a, hemi tlingkhawm atang hian a man hi hlan a ni. Heng kan pawisa pukte rulhnan hian vengchhung a chhungkaw hrang hrangte hnenah thawhlawm intuk a ni dawn a, December thla atangin khawn tan a ni anga, nakum February thla thlengin kan chhungkaw budget theuhte hi pek tlak tum theuh tur a ni.
Vantlang inkhawm in kan thurel tawh anih angin chhungtinte’n kan thawhlawm intuk hi tlawmngaia tlak theuh turin kan inngen a, vawikhat a pe tlak thei kan awm anih phei chuan a lawmawm hle ang. Kan pe tlak thei nghal lo anih pawhin kan remchan ang tawk zela pek thin nise, nakum February thla chhungin pek tlak theuh i tum ang u. Kan vengchhungah hian chhungkaw 1200 chuangin thawhlawm hi kan thawh thei tura ngaih a ni a, Group hrang panga-ah inthenin a thawhtam ber Group-in Rs. 5,000/- leh a tlem ber Group-in Rs. 400/- thawh tura ruahman a ni.
Kar hmasa lama Thlanmual Committee member list kan han chhuah-ah khan heng a hnuaia mite hi chhut hmaih palh an ni. Pute VL Zahawma (K), Lalchhawnsanga (K), Er VL Nghinglova (K), Dr C.Lalzarliana (V), Dalkhena (C), Dr KVL Rochharzela (K).
