THU CHHUT SUALIN SUM TIKIAM
Tun hnaia UK-a inkulh, Just Say Please group-in a tarlan danin, Internet website-a thu chhut sual (spelling mistake) leh grammer dik lo a awm hian sum tam tak an lakluh tur a kiam phah niin a tarlang a; a bik takin Internet website hmanga sumdawnna chi hrang hrang ti tute hian hloh nasa lehzual niin sawi a ni.
An sawi danin, miin website a luh hian second 6 vel chhungin chu website hmangtu chuan a ngaihven zawng a thlang chhuak hman a; chutih rual vek chuan website-a thil awm za-a sawmkua vel hi thuziak a ni bawk a. Chutih lai vekin internet hmanga kawhmawh bawl leh sual chi hrang hrang tih tumte hlauhna mi rilru-ah a lo awm ve bawk si a; website-a thuziak dan dik lo hman a nih chuan miin chu website chu an ringhlelin, a nel lo nghal thuai thin niin an sawi.
Hetiang lam zirchianna an neihah chuan, website pakhata thuziak dan dik lo an siamthat ringawt pawhin chu website-in sum a lakluh (revenue) chu a let-in a pung chho nghal dawrh niin an sawi a. Khawvel zau zawk website chi hrang hrangin an hloh zat leh, thuziak an uluk vanga lakluh a pun theih zat chu nasa tak a nih tur thu an sawi.
