Wadi in hma sawn zel e
Kan vengah hian Anganwadi Centre pathum kan nei a, Local Council-te kaihhruaina hnuaiah ICDS Village Level Co-Ordination Committee ten an enkawl mek a ni. Heng Anganwadi centre-te enkawl nan leh chhawmdawl nan hian sorkar atanga sum hmuh a awm loh avangin vengchhung mipuite enkawl a ni ber a. Tunah pawh hian Centre hrang hranga nu leh pate chuan sum thawhkhawmin rawng hnawih that leh chei that hna thawh mek a ni hlawm.
Anganwadi hi mipuite ta a nih avangin kan naute an kal emaw, kal lo emaw, a chhiat leh thatah hian vengchhung mipuiten nasa takin mawh kan phur a. Tuna kan centre-te hi a awngrawp deuh tawh avangin chei that ngai a tam hle a. Co-Ordination Committee chuan Local Council, YMA, MHIP leh MUP-te hnenah tanpuina a beisei mek a. Hei ringawt pawh hian a la daih mai dawn loh avangin vengchhunga khawsak ziaawm deuhte hnenah vehbur a khawn dawn a, lo inring tura ngen leh hriattir kan ni.
Anganwadi-ah hian naupang zawkte ni tin nuna pawimawh zirtir an nih thin bakah ni tin nutrition sem thin a ni a, vengchhung naupang enge maw zatin an chhawr tangkai mek a, chhawr tangkai leh zual tur pawhin i inbuatsaih zel ang u.
