ANGANWADI CHEI THA DAWN
Ramhlun North-ah hian Anganwadi Centre pathum – Sakhisik tuikhur bul, Taitea tuikhur bul leh thlanmual thlangah te a awm a. Heng Anganwadi Centre-te hi I.C.D.S. Village Level Co-Ordination Committee ten an enkawl mek a ni.
Anganwadi Centre hi vengchhung mipuiten kan chhawr tangkai a, tunah pawh hian hming ziak naupang leh raipuar mi 500 an awm mek. Hetih lai hian Anganwadi Centre enkawl leh thawm that nan hian sorkar atangin sum hmuh a ni lo a, khawtlang thawhlawm atanga enkawl a ni ber. Mipuite inpekna avangin vawiin thleng hian Centre pathumte hian harsatna lian tham a la tawk lo a; centre-te thawm that a ngaih a, mamawh an neih pawhin khawtlangin phûr takin a tihsak zel thin.
Tunah pawh hian centre pathumte hi thawm that a ni leh dawn a, hemi atan hian sum a awm loh avangin tlawmngai pawl hrang hrangte leh vengchhunga khawsak ziaawm deuhte hnenah an inpek tawhnate hrerengin thawhlawh khawn leh a ni a. Hetiang hian thawhlawm hmuh a ni :-
Local Council : Rs. 1,000/-
M.U.P. : Rs. 1,500/-
Y.M.A. : Rs.1,000/-
M.H.I.P. : Rs.1,000/-
Mimal : Rs. 47,350/-
TOTAL : Rs. 51,850/-
Ngamtlak takin thawhlawm thawh tura kan ngenna ngai pawimawhin chhungkaw 230 teh meuhin thawhlawm hi an thawh a, Rs. 1,000/- thawh chhungkaw 3 an awm, a, Rs. 500/- thawh chhungkaw 30 an awm bawk a ni. Heng thawhlawm tlingkhawmte atang hian Anganwadi Centre 3-te hi chei that hna tan nghal a ni ang.
Mi inphalte chungah I.C.D.S. Co-Ordination Committee chuan lawmthu a sawi tak meuh a, in inpekna avangin Anganwadi Centre changtlung tak kan nei leh dawn a ni.
