NUI LUI RAWH

Nuih hi damdawi tha a ni a, rilru leh taksa nate a chhawk. Laughter therapist, Kishore Harkishandas Kuvavala chuan ni tin minute 10 tal nuih ziah tur niin a sawi.

Times Of India chanchinbuin Kishore-a thu leh hla an tarlan danin, Kishore chuan, “Ni tina nuih hi a pawimawh a, a zat vanga nuih emaw, kan nui lui emaw pawh ni se a that dan a inang reng. A chhan chu, kan taksain kan nuih chhan a hrethiam tak tak chuang lo a, ‘a zat vanga nui nge kan nih kan nui lui?’ tih kha a hre hrang chuang lo. Kan nuih chiah hian kan taksa-ah chemical change a thleng thin a ni,” a ti.

Kan nuih hian kan taksaa cortisol level a hniam a (cortisol chu stress siamtu hormone a ni), endorphins leh serotonins te kan taksaah a chhuak ta thin a ni (endorphins leh serotonins te chu mihringa hlimna thlentu ‘happy hormone’ an ni).