ZUNTHLUM VEI PUNG

Imperial College London(UK) leh Harvard University (US) mithiam tangkawpte chhut danin kum 1980 nena khaikhinin kumin hian diabetes (zunthlum) vei a letin a pung tawh niin an sawi. Chutih lai vek chuan thihna thlen thei natna hrim hrim vei pawh a let hnih (2) leh a chanve dawnin an pung niin an sawi bawk.
Diabetes natna vei hi khawvel pumpui hmun hrang hranga cheng mi mtd. 2.7 chuangte natna an endik atangin an hre thei a; chumi hmang chuan statistics thiamna hmangin khawvel pumpuia mihring zawng zawng tan an chhut chhuak leh a ni.
Mithiamte sawi dan chuan diabetes vei an punna chhan 70% vel chu mihring kan dam rei tawh zawk vang niin an sawi a; he natna vei nasa berte chu Marshall Islands (Pacific Ocean)-a cheng hmeichhia-te an nih thu sawiin, hmun 3-a thena hmun 1-in an vei niin an sawi. Hei bakah hian ram changkang zawkah chuan US mite hian an vei nasa ber a; Western Europe mite erawh a vei tlem ber a ni thung a ni.
Tin, nunphung inthlahdah vang leh thau uchuak hi diabetes vei chhan tlangpui niin an sawi.