HALPUAH LEH HALMAWI KHAP A NI

Ramhlun North, the 26th November, 2011 : Mizoram Sorkarin a khap mai bakah Central YMA ngenna angin kan vengchhungah halpuah, halmawi lam chi reng reng leh naupang silai lem a mu kahchhuah theih chi zawrh, lakluh leh hman khap tlat a ni.

Halpuah, halmawi lam chi leh Silai lem a mu kahchhuah theih chi hi Mizoram Sorkarin khapna thupek a chhuah bawhzuiin Central YMA chuan Branch tinte hnenah tha taka kengkawh a, chak taka lo bawhzui turin ngenna a siam a. Ramhlun North Branch YMA Executive Committee chuan ngun taka a ngaihtuah hnuah Sorkar phalloh thilte hi kan Branch huam chhunga lakluh, zawrh leh hal loh nise, tiin vengchhung mipuite a ngen a ni.

Nikum khan hlawhtling takin Sorkar leh YMA bakah NGO hrang hrangte tanrualna avangin halpuah hal khap a ni tawh a, hei hi kumin Krismas leh Kumthar boruak velah pawh hian kenkawh leh ni dawn a, hetiang tiluite chu nataka hrem theih an ni.

Aizawl DC chuan thuchhuah a siam tawh a, hei hi vengchhung mipui tute pawhin zawm tlan hram tum ila. Kum dangah halpuah vangin mi tam tak thinthiin an mu thei tawh lo thin a, boruak chhia a siam a, mihring hriselna atan pawh a tha hek lo. Kum upa zawk lamte tan phei chuan Krismas hun duhawm tak hi hun hrehawm takah kan chantir thei thin tih hria ila, tumahin halpuah leh a chhehvel vengchhungah hal emaw ken luh emaw i tum lovang u.

Hei bakah hian naupangin an uar tak silai lem kahna tak tak pawh khap tel a ni bawk. Hetiang silai hi kan vengchhung mai nilo Mizoram puma khap a nih avangin nu leh pa te pawhin kan fate’n lei an ngen pawhin leisakloh ngam turin kan in ngen tak meuh meuh bawk. Kan intihpalh a, thil pawi zawk leh thalo zawk a thlen hma ngei hian tihloh hmasak a ngai a ni.Hunpui kan neih Krismas hi hlim leh lawm taka mitin ten kan hman theihnan khawtlang leh Sorkar in ruahmanna a siam hi zawm tlan theuh i tum ang u. Halpuah, halmawi leh silai lem tello ngeiin Krismas hlim taka hmang turin chhungtinte duhsakna kan hlan e.